Lea: Ego sum Lea. Ego fēmina
sum.
Corinna: Corinna sum. Ego quoque sum fēmina.
Robertus: Ego Robertus sum. Nōn fēmina, sed vir sum.
Mārcus: Ego sum Mārcus. Ego quoque sum vir. Nōn fēmina, sed vir sum.
Robertus: Nōndum vir es, Quīnte, sed puer. Tū puer es.
Quīntus: Puer sum, nōndum vir. Nōn sum puella. Nōn fēmina sum. Ego puer sum!
Tullia: Egone sum fēmina?
Corinna: Nōndum es fēmina, Tullia, sed puella. Tū puella es.
Tullia: Puella, nōndum fēmina, sum. Nōn puer sum. Nōn sum vir. Ego sum puella!
Colloquium: Salvē!
Corinna est discipula. Discipula studet. Lea quoque est discipula. Lea et Corinna discipulae sunt. Discipulae student.
Mārcus est discipulus. Discipulus studet. Robertus quoque discipulus est. Mārcus et Robertus sunt discipulī. Discipulī student.
Et discipulae et discipulī student.
Estne Corinna discipula? Ita. Corinna discipula est. Studetne Corinna? Ita, Corinna studet. Estne Mārcus discipulus? Ita. Mārcus quoque discipulus est. Studetne Mārcus? Ita, Mārcus studet. Corinna et Mārcus sunt discipulī in ūniversitāte. Lea et Robertus quoque discipulī in ūniversitāte sunt. Omnēs — Mārcus et Robertus et Corinna et Lea — sunt discipulī. Omnēs sunt discipulī in ūniversitāte. Omnēs student.
Estne Tullia discipula? Ita. Tullia est discipula, sed nōn est discipula in ūniversitāte. Tullia est puella. Tullia est discipula in scholā prīmāriā. Tullia et Corinna et Lēa discipulae sunt: Tullia est discipula in scholā prīmāriā, et Corinna et Lēa sunt discipulae in ūniversitāte.
Estne Quīntus discipulus? Ita. Quīntus quoque est discipulus. Quīntus et Mārcus et Robertus discipulī sunt. Quīntus est discipulus in scholā prīmāriā. Mārcus et Robertus discipulī sunt in ūniversitāte. Discipulī in ūniversitāte et discipulī in scholā prīmāriā student.
Omnēs hominēs — Tullia et Quīntus et Mārcus et Corinna et Robertus et Lea — discipulī sunt. Quīntus et Tullia discipulī sunt in scholā prīmāriā. Mārcus et Corinna et Robertus et Lea discipulī sunt in ūniversitāte. Omnēs student.
Corinna: Salvē!
Mārcus: Salvē!
Corinna: Quid tibi est nōmen?
Mārcus: Nōmen mihi est Mārcus. Quid est nōmen tibi?
Corinna: Nōmen mihi est Corinna.
Mārcus: Salvē, Corinna.
Corinna: Salvē et tū, Mārce. Quōmodo te habēs?
Mārcus: Bene me habeō, grātiās. Et tū? Quōmodo te habēs?
Corinna: Ego quoque me habeō bene, grātiās. Esne discipulus?
Mārcus: Ita. Discipulus sum. Et tū? Tūne quoque discipula es?
Corinna: Ita. Ego quoque in ūniversitāte discipula sum.
Mārcus: Quot annōs nāta es?
Corinna: Vīgintī annōs nāta sum. Et tū Mārce, quot annōs nātus es?
Mārcus: Vīgintī duōs annōs nātus sum.
Corinna: Bene!
Robertus: Salvē!
Lea: Salvē!
Robertus: Quid nōmen est tibi?
Lea: Nōmen mihi est Lea. Ego sum discipula in ūniversitāte.
Robertus: Salvē, Lea. Ego quoque discipulus in ūniversitāte sum. Nōmen mihi est Robertus.
Lea: Salvē et tū, Roberte. Quōmodo te habēs?
Robertus: Optimē me habeō, grātiās. Et tū? Quōmodo tē habēs?
Lea: Optimē! Quot annōs nātus es, Roberte?
Robertus: Vīgintī trēs annōs nātus sum. Et tū Lea, quot annōs nāta es?
Lea: Duodēvīgintī annōs nāta sum.